Ministru Obras Públika Halo Verifikasaun Ba Estrada Maliana Vila Ne'ebe Sei Konstrui Husi PT Hutama Karya

Ministru Obras Públika Halo Verifikasaun Ba Estrada Maliana Vila Ne'ebe Sei Konstrui Husi PT Hutama Karya

Maliana, 28 agostu 2023-Ministru Obra Públika,akompañia hosi ekipa tekniku MOP ho empreza Konstrutór PT Hutama Karya halo verifikasaun iha terrenu,antes implementa projetu kontrusaun estrada iha Maliana Vila.

Hafoin halo verifikasaun ba estrada ne'ebé sei konstrui hosi empreza PT Hutama Karya. Iha segunda ne'e Ministru Obras Públika hateten, hafoin governu anterior asina tiha kontratu no lansa iha loron 01 fulan Juñu 2023, deteta katak, dezenu anteriór ne'e sai obstákulu boot ba obra refere atu la'o, tanba Estrada ho nia luan metru 23.41 no naruk kilómetru 4,91. Ne'e afeta ba komunidade inklui komunidade nia rai no uma privadu barak. Tanba ne’e mak tekniku sira sei hare fila fali husi 4.91 kilómetru 4.91 bele sai fali ba kilómetru 15 ou kilómetru 20.

"Hafoin halo verifikasaun, estrada paket rua, hau sei fila fali marka reuniaun, para atu fahe paket, Paket ida toma konta atu hare ba estrada nasional no paket ida sei hare kona-ba Estrada urbana nian,"haktuir Ministru Obras.

Kompania ne’ebé sai responsavel ba obra ne’e mak PT.Hutama Karya ho durasaun kontratu fulan Sanulu Resin Ualu ho montante kontratu 21 Milloens ($21,228,762.00).

Husi verifikasaun no observasaun governante ne’e katak,montante kontratu ne’e sei la menus maibe aumenta volume servisu hosi distansia ne’ebe mensiona i kobre mos Estrada urbana Maliana.*

Mídia MOP