General
Prezidenti EDTL,EP Aprezenta Planu Implementasaun Solar PhotoVolthaic Ba Ministru Obras Públika
Dili, 41 views
Prezidenti EDTL,EP Aprezenta Planu Implementasaun Solar PhotoVolthaic Ba Ministru Obras Públika Dili, 20 Novembru 2023 Ministru Obras Públika-Samuel Marçal, iha segunda-feira ne’e halao enkontru ho Prezedenti Konsellu Administrasaun Eltrisidade de Timor Leste, Empreza Públika (EDTL,EP)-Paulo da Silva ho nia ekipa, iha sala reuniaun Ministériu Obras Públika (MOP).
Prezidenti EDTL,EP Aprezenta Planu Implementasaun Solar PhotoVolthaic Ba
Ministru Obras Públika
Dili, 20 Novembru 2023
Objetivu hosi enkontru ne’e mák Prezedenti Konsellu Administrasaun EDTL,EP atu halo aprezentasaun kona-ba planu implementasaun Solar PhotoVolthaic (PV) 72MW-85MW, Battery Energy Storage Systems (BESS) 36MWH-46MWH iha Laleia-Manatuto, ne’ebé sei realiza iha tinan oin (2024).
Fotovoltaiku mak teknolojia mudansa enerjia husi loro-matan ba eletrisidade. Ekipamentu fotovoltaiku sira forma grupu ida husi sélula solar ne'ebé liga iha serie ida ka paralelu no halibur iha modulu solar ida.
Painél solar mak sentrál eletrisidade ida-ne'ebé uza sélula fotovoltaika solar (PV). Teknolojia ida-ne'e transforma radiasaun solar ba eletrisidade.
Sentrál eletrisidade ida-ne'e forma enerjia renovavel ida-ne'ebé uza fonte enerjia alternativa ne'ebé amigavel ba ambiente.
Entretantu projeitu Fotovoltaiku (PV) ne’e rasik hetan apoio hosi Asian Development Bank (ADB).(*)
Mídia-MOP
